Աղոթքը հավատացյալի հոգևոր կյանքի կարևորագույն մասնիկն է, այն Աստծո հետ հաղորդակցության միջոց է: Աղոթքը ենթադրում է հավատ, որ նյութական ու տեսանելի աշխարհի հետ մեկտեղ գոյություն ունի այլ՝ անտեսանելի աշխարհ, որտեղ առաջնայինը հոգևորն է: Այս ամիս Հայաստանի բահայինների համայնքը թարգմանել և ձայնագրել է Բահայի հավատքի հարյուրավոր աղոթքներից ութը: Դրանք երեխաներին, առողջությանը, դժվարությունների հաղթահարմանը, միասնությանը և ալ թեմաներին վերաբերվող աղոթքներ են:
Հիշեք, որ աղոթքը հոգու և գիտակցության սնունդն է, նրա շարժիչ ուժը, նրա հենարանը: Անհավատ մարդը նման է տափակ ափսեի: Որքան էլ գեղեցիկ լինի և շքեղ զարդարված, այն մակերեսային է, խորություն չունի: Բահայի ուսմունքներում նշվում է, որ ամենավեհ աղոթքներում մենք Աստծուց ոչինչ չենք խնդրում, այլ մեր սերն ու երախտագիտությունն ենք փոխանցում առ Աստված: Ուստի աղոթեք ոչ միայն, երբ ինչ որ բանի կարիք ունեք, այլ նաև այն ժամանակ, երբ երջանիկ եք: Մի՛ մոռացեք շնորհակալ լինել:
