Հանդիպել Բահայիների Հետ
Լրացնել հայտը Բահայների հետ հանդիպելու համար
Խնդրում ենք նշել հանդիպման նպատակը և այլ լրացուցիչ տվյալներ

Բոլոր “*”-ով դաշտերը պարտադիր են

post
Նորություններ

Բեյրութում երիտասարդները ստեղծում են արտակարգ իրավիճակներում օգնության ցանց

Օգոստոսին, Բեյրութը ցնցած պայթյունից մի քքանի օր անց մի խումբ երիտասարդներ, ովքեր մասնակցում էին բբահայի համայնքի կառուցման ջանքերին, արագ հավաքվեցին՝ քննարկելու օգնության և վերակառուցման ծրագրերը: Նրանք ստեղծեցին կամավորների ցանց, որը կոչվում էր <<Օգնության կենտրոն>>՝ իրենց շրջապատի մարդկանց գործողությունները  համակարգելու համար: Այս նախաձեռնությունը զարգացում էր ապրում հաջորդ ամիսների ընթացքում ` ներկայիս կարիքներին արձագանքելու համար:

 

«Մենք գիտեինք, որ պետք է ամեն կերպ օգնենք», - ասում է նախաձեռնությունը ղեկավարող երիտասարդներից մեկը: Հոգևոր և բարոյական հնարավորությունների ընդլայնմանն ուղղված երիտասարդների ​​գործունեությունը նրանց հնարավորություն տվեց ձեռք բերել մարդկանց փոքր խմբերի միջև համագործակցության հաստատման փորձ: Այժմ նրանք կարողացան այդ ներուժն ուղղել կամավորների ցանց ստեղծելու գործում: «Մենք որոշեցինք շատ փոքր քայլ կատարել, այն է` ստեղծել խմբակային չատ և հրավիրել մեր բոլոր ընկերներին և մարդկանց ում մենք հանդիպել էինք մեր համայնքի կառուցման ջանքերի շրջանակներում, օգնության կարիք ունեցողներին հետևելու և արդեն իսկ ձեռնարկված նախաձեռնությունները կարգավորելու  համար: Երբ սկսեցինք, մտածեցինք, որ մենք ընդամենը 10 հոգի ենք: Ինչպե՞ս կարող ենք օգնել: Բայց մենք ուզում էինք ծառայել մեր համայնքին և մեր երկրին և մենք հուսադրվեցինք, երբ 10 հոգանոց խումբը դարձավ 80: Մեր խմբում կային ամեն տարիքի և ծագման կամավորներ, ովքեր միացան մեզ և իրենց օգնությունն առաջարկեցին մեզ»:

 

Բոլոր մասնակիցները ունեին ծառայության ոգի: Մեկ ամսից ավելի նրանք բաժանում էին օրական 300 կերակուր, ինչպես նաև կազմակերպում էին հագուստի նվիրատվություններ, օգնում հանել վնասված գույքը, փակում կոտրված ապակիները և կատարում այլ առաջադրանքներ: Նրանք ձեռնարկում էին անվտանգության միջոցառումներ՝ իրենց և մյուսներին կորոնավիրուսից պաշտպանելու համար:

 

Ամեն առավոտ օգնություն ցուցաբերելու համար կամավորներին առաջադրանքներ էին հանձնարարվում: Երեկոյան խումբը բոլոր մասնակիցների հետ անդրադառնում էր այդ օրվա փորձին, կատարում կարիքների գնահատում և կազմում հաջորդ օրվա նոր առաջադրանքների ցուցակ: Լիբանանի բահայի Ազգային Հոգևոր Ժողովի անդամներից մեկն ասում է.

Շատ ուրախալի էր տեսնել, թե երիտասարդների այս փոքր խումբը ինչպես քայլեր ձեռնարկեց: Չնայած իրենց երիտասարդությանը, նրանք տարիներ շարունակ ծառայում են իրենց համայնքներին և զարգացնում իրենց ունակությունները բահայի ուսմունքների վրա հիմնված կրթական գործընթացի միջոցով, ինչը նրանց օգնում է իրենց տեսնել որպես համայնքի կարիքների բավարարման գործակալներ: Նրանք ձեռք բերեցին կազմակերպչական հմտություններ, ինչպիսիք են հիմնական վիճակագրությունը վարելու, առկա ռեսուրսներով պլանավորումներ կատարելու և ուսումնառության ռեժիմում աշխատելու ունակությունները, երբ կազմակերպեցին «Օգնության կենտրոնը»:

 

Նրանք, ովքեր աշխատում էին նախաձեռնության կենտրոնում, առցանց հանդիպումների ժամանակ աջակցություն գտան աղոթքների մեջ: Համայնքի անդամներից մեկն ասում է. «Աղոթքն աջակցեց և մտերմացրեց շատ մարդկանց այդ խառնաշփոթի և վշտի օրերին և հույս բերեց: Մենք տեսնում ենք նվիրվածության ոգու կարևորությունը, որն օգնում է մեզ ամրապնդել սոցիալական կապերը և խորացնել հոգևոր արմատները, որոնք մեզ ավելի դիմացկուն են դարձրել այս աղետի առջև»:

 

Կամավորներից շատերի վրա անձամբ է ազդել ճգնաժամը, բայց նրանք իրենց համար հույսի աղբյուր են գտել ուրիշներին ծառայելու մեջ: Կլինիկական հոգեբան Մահա Օակիմն ասում է. «Իմ աշխատասենյակը քանդվեց և դա սարսափելի էր ինձ համար: Նստելու և ինձ անօգնական զգալու փոխարեն ես միացա Օգնության կենտրոնին, երբ ընկերներիցս մեկը  ինձ ծանոթացրեց նրանց հետ: Դա ինձ օգնեց վեր կենալ և զգալ, որ ինչ-որ բան եմ անում և օգնում եմ ուրիշներին: Այն փաստը, որ բոլորը հավաքվել էին միասին, ինձ համար շատ կարևոր էր»:

 

Լարա Մանսուրը, ով աշխատել է Helping Hub- ի հետ իր առաջին իսկ օրերից, ասում է.

Երբ մենք տարածքում էինք, կազմակերպվածության անհրաժեշտություն տեսանք: Օրինակ, Բեյրութի մի հատվածը ողողված էր սննդի, ջրի և այլ օգնության առաջարկներով, իսկ մյուս տարածքներին քիչ ուշադրություն էր դարձվում, կամ առհասարակ ուշադրություն չէր դարձվում: Այսպիսով, մենք սկսեցինք մեկ նախաձեռնություն ևս, որն օգնում է կազմակերպություններին համակարգել ջանքերը միմյանց հետ: Սա թույլ տվեց, որ սոցիալական տարբեր դերակատարներ խորհրդակցեն և գործեն միասին: Այժմ անցկացվում են առցանց հանդիպումներ 50 մարդկանց հետ, որոնց ընթացքում քննարկվում են բոլոր մասնակիցներին միավորող նպատակները: Հավաքական տեսլականի և նպատակասլացության զարգացումը մեզ բոլորիս ավելի շատ հնարավորություններ է տալիս բավարարելու մեր կարիքները կողքից ստացված աջակցությամբ:

 

Խմբի անդամներից մեկն անդրադառնում է այն բանին, թե ինչ նշանակություն ուներ այս փորձը երիտասարդների համար.«Մենք բոլորս՝ երիտասարդներս, փորձություն ենք ենթարկվել: Այն շաբաթների ընթացքում, երբ մենք գտնվում էինք տարածքում և առավոտից երեկո օգնում էինք մարդկանց, շատ դժվար էին, բայց և հիանալի, որովհետև մենք միասին էինք, և մեր ծառայությունը մեզ բոլորիս հույս էր ներշնչում: Վերադառնալով մեր առօրյա կյանքին՝ մենք հասկանում ենք, որ  բավարարված չենք առանց նպատակի մեր առօրյա աշխատանքով: Մենք պետք է ծառայենք մեր համայնքներին, քանի որ հենց այստեղ է ծնվում իրական երջանկությունը»:

author
Նյութի հեղինակ
Բահայի Հայաստան թիմ