Ամբողջ աշխարհում Բահայիների Հասարակության հետ կապերի գրասենյակները ներգրավված են հանրային դիսկուրսներում՝ զրույցներ փորձագետների հետ թեմաների շուրջ, որոնք ունեն մեծ սոցիալական կամ տնտեսական նշանակություն տեղական համատեքստում: Սոցիալական դիսկուրսներին մասնակցելու միջոցով բահայի համայնքները սովորում են իրենց երկրների հիմնական դերակատարների հետ և նրանց հետ կիսվում են համայնք կառուցելու իրենց փորձով և բահայի ուսմունքներից վերցված գաղափարներով: Հանրային դիսկուրսները կոչ են անում համագործակցել անհատների, խմբերի և կազմակերպությունների հետ տարբեր սոցիալական միջավայրերում, որտեղ ձևավորվում և զարգանում են միտքը, հասարակական կարծիքը և ռազմավարությունը: Այս գործունեության նպատակն է նպաստել ողջ աշխարհում սոցիալ-տնտեսական բարգավաճման համար անհրաժեշտ գիտելիքների և վերաբերմունքի հավաքական ձևավորմանը: Բահայի միջազգային համայնք ՀԿ-ն խորհրդատվական կարգավիճակ ունի ՄԱԿ-ի մի շարք գործակալություններում, մասնակցում է մարդու իրավունքների, կանանց իրավունքների և շրջակա միջավայրի կայունության վերաբերյալ դիսկուրսներին, ի թիվս այլոց:
2022 թվականի ապրիլից Հայաստանի Բահայի համայնքի Հասարակության հետ կապերի գրասենյակը սկսել է հանրային դիսկուրսների ուսումնասիրություն՝ «Փոփոխության ջատագովներ. Ինչպես կրթել քաղաքացիներին, որոնք հոգ են տանում և գործում են ի նպաստ Հայաստանի բարեկեցությանե թեմայով։ Այդ նպատակով գրասենյակը հանդիպել է կրթության ոլորտը ներկայացնող ինը փորձագետների՝ ուսուցիչների կրթություն, կրթության ռազմավարություն, միջնակարգ կրթություն մասնավոր և պետական հատվածներում, տեղաբնակ հայերի փորձագետների, ինչպես նաև Հայաստանում իրենց ներդրումն ունեցող միջազգային մանկավարժների հետ: Քննարկվել են, թե ինչպե՞ս ենք մենք տարբերակում փոփոխության ջատագովներին Հայաստանում: Ի՞նչ բնութագրիչներ ունեն նրանք։ Ինչպե՞ս է մարդը դառնում այդպիսին: Ինչպե՞ս ենք մենք հասկանում նրանց կարևորությունն ու ազդեցությունը երկրի վրա:
2023 թվականը սկսվեց մի շարք հանդիպումներով կառավարության ներկայացուցիչների, գիտնականների, դիվանագետների և հասարակական կազմակերպությունների հետ՝ ուսումնասիրելու մարդու իրավունքների, այդ թվում՝ կանանց իրավունքների թեման Հայաստանում: Քանի որ Հասարակության հետ կապերի գրասենյակը շարունակում է ներգրավվել այս դիսկուրսներում, այս տարվա ընթացքում կպատրաստվեն դիտարկումներով և առաջարկներով հայեցակարգային փաստաթղթեր, որոնցով կկիսվենք հանրության հետ և կհրապարակենք bahai.am կայքում:
