Լրացնել հայտը Բահայների հետ հանդիպելու համար
Խնդրում ենք նշել հանդիպման նպատակը և այլ լրացուցիչ տվյալներ

Բոլոր “*”-ով դաշտերը պարտադիր են

post
Հոդվածներ

Երեք քայլ դեպի գենդերային հավասարություն

Գենդերը վերաբերում է այն ընկալումներին, զգացմունքներին և վարքին, որը տվյալ հասարակությունն ասոցացնում է անձի կենսաբանական սեռի հետ: Այլ կերպ ասած, գենդերը սոցիալապես ամրագրված, այսինքն` հասարակության մեջ ընդունելի վարքն է, որը վերագրվում է կանանց և տղամարդկանց։ Շատ մեծ ուրախություն է, երբ գիտակցում ենք մեր լիարժեք ներուժը անկախ սեռից։ Այսօր մեր հասարակությունում կրթության և տեխնոլոգիական նվաճումների շնորհիվ տղամարդկանց և կանանց երբեմնի ավանդական դերերն արագորեն փոխվում և զարգանում են: Աշխարհի շատ մասերում  կանայք այսօր ավելի շատ հնարավորություններ ունեն, քան երբևէ, բայց դեռ շատ աշխատանք կա անելու, մինչ մենք իսկապես կկարողանանք ասել, որ հասել ենք լիարժեք հավասարության: Բահայի ուսմունքները կոչ են անում մեզ բոլորիս աշխատել հանուն այս կարևոր գործի.

 

Իմացե՛ք, … որ…  կանայք համարվում են նույնը, ինչ տղամարդիկ, և Աստված ստեղծել է ամբողջ մարդկությունը Իր կերպարով ու նմանությամբ։ ԻՆչպես  տղամարդիկ, այնպես կանայք արտացոլում են Նրա անուններն ու հատկությունները և հոգևոր տեսանկյունից նրանց միջև տարբերություն չկա:  (Աբդուլ Բահա)

 

Սխալ կլիներ պնդել, որ գենդերային հավասարության հարցը բացառապես կանանց խնդիրն է: Տղամարդիկ ևս ավանդական դերերը վերաիմաստավորելու և սեքսիզմի խնդիրը հաղթահարելու հնարավորության կարիք ունեն: Քանի որ սեքսիզմը խոչընդոտում է յուրաքանչյուրիս զարգացմանը:

 

Կինը պետք է պայքարի կատարելության ավելի բարձր մակարդակի հասնելու, տղամարդկանց հետ բոլոր առումներով հավասար դառնալու, առաջ գնալու համար… որպեսզի տղամարդիկ ստիպված լինեն ընդունել ունակությունների և հմտությունների առումով իրենց հավասարությունը:

Աստծո Ողորմածությունը յուրաքանչյուրի համար է և ուժ է տալիս առաջընթացին: Երբ տղամարդիկ ճանաչեն կանանց հավասարությունը, նրանք ստիպված չեն լինի պայքարել իրենց իրավունքների համար: (Աբդուլ-Բահա)

 

Բահայի հավատը սովորեցնում է, որ կանայք և տղամարդիկ կարող են հասնել իրենց լիարժեք ներուժին միայն այն ժամանակ, երբ երկուսն էլ ունենան հավասար աճի և զարգացման հնարավորություններ: Ըստ բահայի ուսմունքների, եթե ծնողների հնարավորությունը ներում է կրթության տալ միայն մեկ զավակին, ապա պետք է տալ դստերը, քանի որ հետագայում դառնալով մայրեր, նրանք են ստանձնում հասարակության առաջնային դաստիրակների կարևոր դերը։ Աստծո աչքերում չկա ավելի բարձր կամ ցածր սեռ։ Աստված հոգին գնահատում է միայն իր որակների և բնույթի համաձայն, ոչ թե ըստ սեռի:  Այսպիսով կանանց և տղամարդկանց միջև ներդաշնակության հասնելու համար առանձնացվում են հետևյալ երեք քայլերը.

 

1) Գենդերային կարծրատիպերի մշտաբար արմատախիլ  անում

2) Նկատելի առաջխաղաղացում աշխարհում արդարության հաստատման գործում

3) Տղամարդկանց և կանանց միջև հավասարություն

 

Չնայած այդ նպատակներին հասնելը դյուրին չէ, դրան կարող ենք հասնել ինչպես անհատական, այնպես էլ համատեղ ջանքերով։

 

Բազմազանությունը մարդկային ընտանիքում պետք է լինի սիրո և ներդաշնակության պատճառ, ճիշտ այնպես, ինչպես երաժշտության մեջ, որտեղ տարբեր նոտաներ խառնվում են իրար և ստեղծում կատարյալ ակորդ: (Աբդուլ Բահա)

 

Անհատի համար տգիտության փոխարինումը ըմբռնմամբ, հանդուրժողականությամբ, հարգանքով և հակառակ սեռի արժեվորմամբ փոխարինելը նշանակում է կործանարար վերաբերմունքի փոփոխությունը, ինչը խանգարում է երկու սեռերին ընդունել դիմացինի առավելությունները:

 

Մեզանից շատերի համար այս գործընթացը բարդ և ամբողջ կյանքում շարունակվող գործընթաց է: Բարեբախտաբար, մեր տեսակետները կարող են փոփոխվել և ճշգրտվել, երբ մենք հասկանանք, թե ինչպես է Աստված նայում գենդերի խնդրին։ Բահայի գրվածքներում ասվում է, որ  կանայք և տղամարդիկ միշտ եղել են և կմնան հավասար Աստծո աչքում։ Աստծո Լույսի Արշալույսը նույն պայծառությամբ է ճառագում բոլորի վրա:

 

Ընդհանուր առմամբ մարդկության և հատկապես տղամարդկանց համար գենդերային գերազանցության ցանկացած խնդիր հաղթահարելու շարունակական գործընթացը պահանջում է համբերություն և կայուն ջանք, որտեղ յուրաքանչյուրս ունենք մեր անձնական պատասխանատվությունը։

author
Author
Բահայի Հայաստան