Հանդիպել Բահայիների Հետ
Լրացնել հայտը Բահայների հետ հանդիպելու համար
Խնդրում ենք նշել հանդիպման նպատակը և այլ լրացուցիչ տվյալներ

Բոլոր “*”-ով դաշտերը պարտադիր են

post
Հոդվածներ

Մահ, թաղում և մարդկային բնույթ

Երբ ես երեխա էի, ես տեսա մի հին ֆիլմ, որն ինձ ստիպեց խորությամբ մտածել մահվան մասին: Փոխառված ժամանակ վերնագրով այդ ֆիլմը պատմում էր մի հին հունական առակ մահվան մասին, որն ընկնում է  ծառի թակարդը և չի կարողանում կատարել իր աշխատանքը:

 

Դուք պետք է դիտեք ֆիլմը, որպեսզի ստանաք ամբողջական տպավորությունը, բայց ես ամփոփում եմ. հիմնականում իր սիրելի պապիկին փրկելու համար փոքրիկ տղան խաբում է պարոն Բրինքին՝նույն մռայլ հնձվորին, մահին, Թանատոսին, բարձրանալ ծառը, որը և բանտարկում է նրան:

 

Ամենուր մարդիկ դադարում են մահանալ:

 

Սփոյլեր. Տղան շուտով իմանում է, որ մահը կյանքի անբաժանելի մասն է, և որ մահը դադարեցնելը նշանակում է երկարացնել միլիոնավոր մարդկանց տառապանքը և դանդաղեցնել աշխարհի և յուրաքանչյուր հոգու զարգացումը:

 

Թերևս այս ֆիլմն ուղղորդեց ինձ դեպի Բահայի հավատը, որի մասին ես իմացա և սկսեցի ուսումնասիրել մի քանի տարի անց, երբ դեռահաս էի: Կյանքի և մահվան մասին Բահաուլլայի ուսմունքները արձագանքեցին իմ մեջ, հենց լսեցի դրանք.

 

Մարմնին վերաբերող առաջին կյանքը կավարտվի, ինչպես հայտնվեց Աստծո կողմից. Ամեն հոգի պիտի ճաշակի մահը: Իսկ երկրորդ կյանքը, որ առաջանում է Աստծո ճանաչումից, մահ չի ճանաչում...

 

 

Ով աշխարհի որդի։ Հաճելի է գոյության ոլորտը, եթե հասնես դրան; փառավոր է հավերժության թագավորությունը, եթե հաղթահարես մահկանացու կյանքի աշխարհը. քաղցր է սրբագույն հաճույքը, եթե խմես միստիկ գավաթից... Եթե այս դիրքին հասնես, ազատ կլինես կործանումից ու մահից, ծանր աշխատանքից ու մեղքից։

 

 

 

… ճշմարիտ կյանքը մարմնի կյանք չէ, այլ հոգու կյանք: Որովհետև մարմնի կյանքը ընդհանուր է և՛ մարդկանց, և՛ կենդանիների համար, բայց հոգու կյանքն ունեն միայն սրտով մաքուրները, ովքեր խմել են հավատքի օվկիանոսից և ճաշակել վստահության պտուղը: Այս կյանքը մահ չի ճանաչում, և այս գոյությունը պսակված է անմահությամբ:

 

 

Ես շուտով հասկացա՝ մեծանալով և ապրելով ծնողներիս, տատիկի ու պապիկի և սիրելի կրտսեր քրոջս մահը, որ ամենամեծ և ամենակարևոր խնդիրներից մեկը, որին մենք պետք է դիմագրավենք այս ֆիզիկական գոյության մեջ, հաշտվելն է մահվան իրականության հետ:

 

Յուրաքանչյուր մարդ բախվում է էքզիստենցիալ նույն պայքարին։

 

Սիրելիի կորուստը կարող է ծանր հարված հասցնել մեզ: Մենք տառապում ենք, սգում և լացում, և մեր վիշտը կարող է ճնշել մեզ: Ես իմ կյանքում գտել եմ, որ ձեռնտու է կարողանալ հիշել և ֆիզիկական հիշեցում ունենալ այդ սիրելիի ներկայության մասին՝ այցելել վայր, որտեղ հիշողություններ կարող են առաջանալ այդ հեռացած մարդու մասին:

 

Վիշտն իրականում միայն սեր է, որն արտահայտվում է սիրելիի բացակայության դեպքում, և այդ պատճառով բահայի ուսմունքները խորհուրդ են տալիս թաղել: Աբդուլ-Բահան, իր նամակում, որը գրել է Լաուրա Քլիֆորդ Բարնիին թաղման և դիակիզման մասին, ասել է.

 

 

…չնայած մարդկային հոգին խզել է իր կապը մարմնի հետ, ընկերներն ու սիրելիները դեռևս կրքոտ կապված են մնացածի հետ, և նրանք չեն կարող տեսնել այն անմիջապես կործանված: Նրանք չեն կարող, օրինակ, հանգուցյալի ներկված դեմքը տեսնել լղոզված ու ցրված, թեև լուսանկարը միայն նրա ստվերն է, և ի վերջո այն նույնպես պետք է անհետանա։ Ինչքան կարող են, նրանք պաշտպանում են այն, ինչ մնացել է նրանից՝ լինի դա ընդամենը կավի բեկոր, ծառ, թե քար։ Ապա որքա՜ն ավելի են գնահատում նրա երկրային կերպարանքը։ Սիրտը երբեք չի համաձայնի նայել ընկերոջ, հոր, մոր, եղբոր, երեխայի նվիրական մարմնին և տեսնել, թե ինչպես է այն վայրկենապես փլուզվում, և սա է սիրո պահանջը:

 

 

Ինչու՞ ենք մենք պահում մեր մահացած հարազատների լուսանկարները, տեսանյութերը և նամակները. Մենք պահում ենք նրանց, քանի որ նրանք հիշեցնում են մեզ իրենց սիրո մասին:

 

Ինչպես ասում է միստր Բրինկի հին ֆիլմը, մենք բոլորս ժամանակ ենք փոխառել, մեր կյանքն անընդհատ հեռանում է մեր առաջին ծնունդից և մոտենում մեր երկրորդ ծնունդին: Մենք կարող ենք օգնել մեզ և այն մարդկանց, ում սիրում ենք՝ ընդունելով այս փաստը և պատրաստվելով դրա անխուսափելի ժամանմանը: Այս նախապատրաստության մի մասը ներառում է երկու հնարավորության պլանավորում՝ պատասխանելով հետևյալ հարցերին. Ինչպե՞ս ես կարող եմ լավագույնս զարգացնել իմ ոգին, երբ դեռ այստեղ եմ, գոյության այս հարթության մեջ և  ի՞նչ եմ կուզեմ անել իմ մարմնի հետ, երբ այն արդեն կատարի իր գործը:

author
Նյութի հեղինակ
Բահայի Հայաստան թիմ