Լրացնել հայտը Բահայների հետ հանդիպելու համար
Խնդրում ենք նշել հանդիպման նպատակը և այլ լրացուցիչ տվյալներ

Բոլոր “*”-ով դաշտերը պարտադիր են

post
Նորություններ

Կոնգոյում նշում են բահայի Պաշտամունքի տան շինարարության մեկնարկը

Նախագծի նոր փուլի բացման արարողությունը տեղի ունեցավ կիրակի օրը՝ պաշտոնյաների, հոգևոր լիդերների և ավանդական առաջնորդների ներկայությամբ:

 

ԿԻՆՇԱՍԱ, Կոնգոյի Դեմոկրատական ​​Հանրապետություն - Կոնգոյի Դեմոկրատական ​​Հանրապետությունում Բահայի պաշտամունքի ազգային տան կառուցումը մեկնարկեց կիրակի օրը՝ տաճարի հիմքի գցման արարողությամբ և հեռարձակվեց ազգային հեռուստատեսությամբ: Այս օրը պետական ​​պաշտոնյաները, կրոնական համայնքների ներկայացուցիչները և ցեղապետերը հավաքվել էին Կինշասայի տարածքում: Միևնույն ժամանակ, տոնակատարություններ տեղի ունեցան ամբողջ հսկայական երկրով մեկ, որի ընթացքում շատ մարդիկ միացան աղոթքներին՝ նշելու համար այս կարևոր իրադարձությունը: Ազգային Հոգևոր Ժողովը, այդ առիթով գրված նամակում, նշում է, որ պաշտամունքի տունը մարմնավորում է բահայի պաշտապունքի և ծառայության գաղափարը, «որոնք այնքան կարևոր են աշխարհի վերականգնման համար: Սրանում է Պաշտամունքի Տան՝ Բահաուլլայի կողմից հիմնադրված ամենանշանավոր հաստատություններից մեկի մեծության, զորության և եզակի դիրքի գաղտնիքը… Այսօրվա արարողությունն ունի կարևոր նշանակություն, համեմատելի այն պահի հետ, երբ սերմերը նետում են հողի մեջ, հույս ունենալով, որ մի օր կտեսնեն ինչպես են նրանք մեծանում, և իրենց ժամանակին տալիս թանկագին բերքը»:

 

Այս սպասված պահի գալուստը և նրա հետ կապված ակնկալիքները ոգևորել են բահայի համայնքներին ողջ երկրով մեկ:

 

Հարավային Կիվուի շրջանի Բահայի խորհրդի քարտուղարը բացատրում է, որ չնայած Կոնգոյի բնակիչների մեծ մասը ֆիզիկապես շատ հեռու է այս վայրից, այդ կետից արդեն գալիս է միասնության ոգին և խրախուսում է նրանց էլ ավելի եռանդով ծառայել համայնքին: «Այս շինարարության յուրաքանչյուր քայլը մեծ շուքով նշվում է Հարավային Կիվույում և ամբողջ երկրում: Այս շենքի կառուցումը մենք դիտարկում ենք որպես տասնամյակներ տևած սոցիալական վերափոխման ջանքերի արդյունք»:

 

 

Կոնգոյի Դեմոկրատական ​​Հանրապետության Ազգային Հոգևոր Ժողովի քարտուղարն ասում է, որ այսպիսի բազմազան մարդկանց այսքան մեծ թվով ներկայությունը այս միջոցառմանը վկայում է Պաշտամունքի Տան միավորող դերի մասին: « Սա ոչ միայն մի տեղ է, որտեղ բահայիները կարդում են իրենց աղոթքները, սա Պաշտամունքի Տուն է, որտեղ յուրաքանչյուրը կարող է աղոթել իր Արարչին: Այս տաճարը կդառնա միասնության մարմնացում և նոր իրադարձություն Կոնգոյի հասարակության զարգացման գործում»: 

 

Իր նամակներից մեկում Աբդուլ-Բահան ասում է, որ այդպիսի աղոթատեղիների կառուցումը թույլ կտա մարդկանց  «հավաքվել միասին և միասին աղոթել ՝ ներդաշնակորեն տրամադրվելով միմյանց նկատմամբ: Նման հավաքույթների շնորհիվ կամրապնդվի և մարդկանց սրտերում կծաղկի միմյանց հանդեպ միասնության և սիրո զգացումը»:

 

Աղոթքի ահռելի ազդեցությունը հասարակության կյանքի ձևի վրա քննարկվել է Արևմտյան Կասայի շրջանի ցեղապետերի կողմից: Նրանք ուրբաթ օրը հավաքվել էին խորհելու Պաշտամունքի Տան մասին:

 

Մպեմպե Բոպե Նգոկադիի գյուղապետն ասաց. «Մենք տեսնում ենք, որ բահայի աղոթքի հանդիպումներին մասնակցում են բազում տարբեր մարդիկ, մենք բոլորս միասին ենք գնում այս ճանապարհով: Աղոթքը դրական ազդեցություն է ունեցել: Գյուղը փոխվել է: Ես փոխվել եմ»:

 

Մարդիկ, ովքեր անընդհատ վիճում էին, կամ նույնիսկ միմյանց հետ չէին խոսում, - ավելացնում է նա, - այժմ միասին ներդաշնակ են: Աստծո Խոսքի զորությունն անչափելի է: Այն միավորում է նախկինում թշնամի եղած մարդկանց: Նույնիսկ ես, որպես այս ոլորտի ղեկավար, միշտ չէ, որ լեզու էի գտնում այլ պաշտոնյաների հետ, բայց այժմ մենք աղոթքի ժողովների միջոցով հասել ենք միասնության: Հենց այս է մեզ թույլ տվել բարիդրացիական հարաբերություններ հաստատել: Հենց սրանում է Պաշտամունքի Տան ուժը:

 

Հիմքի գցման արարողությունը համընկավ Բահայի Սուրբ օրվա՝ Բաբի ծննդյան տոնակատարության հետ: Ներկայիս առողջապահական կանոնակարգերը թույլ տվեցին գունեղ տոնակատարություն անցկացնել՝ պահպանելով բոլոր անհրաժեշտ պաշտպանական միջոցառումները: 

 

Արարողությունը, որը հեռարձակվեց ուղիղ եթերով և լուսաբանվեց ազգային լրատվական ալիքներով, ավարտվեց հիմքում խորհրդանշական քար դնելով այն տեղում, որտեղ պետք է կանգնեցվի նոր շենքը:

 

Ազգային Պաշտամունքի Տան կառուցման ծրագրի մասին հայտարարվեց 2012 թ. Այդ ժամանակվանից ի վեր Կոնգոյի Դեմոկրատական ​​Հանրապետության բահայիները ընտրում էին ճարտարապետներ և փնտրում հարմար տարածք այս եզակի կառույցը բարձրացնելու համար:

 

Պաշտամունքի այս Տունն ամբողջ աշխարհում կառուցվող բահայի մի քանի տաճարներից մեկն է, որից յուրաքանչյուրն ունի յուրահատուկ դիզայն, որն արտացոլում է աղոթքի և ծառայության միավորող դերը:

 

Կինշասայում Պաշտամունքի Տան դիզայնը ընտրելիս ճարտարապետները ոգեշնչվել են տեղի արվեստի գործերից, ավանդական կառույցներից և բնական միջավայրից: Կոնգո գետի պատկերը, որի վտակները ողջ երկրի անձրևաջուրը հավաքում են մեկ հոսքի մեջ, խորհրդանշում է աշխարհի մերձեցումը և միավորումը: Իսկ գմբեթի արտաքին հատվածը զարդարող նախշերը հիշեցնում են Կոնգոյի տարբեր ժողովուրդների արվեստի գործերը:

author
Author
Բահայի Հայաստան