Հանդիպել Բահայիների Հետ
Լրացնել հայտը Բահայների հետ հանդիպելու համար
Խնդրում ենք նշել հանդիպման նպատակը և այլ լրացուցիչ տվյալներ

Բոլոր “*”-ով դաշտերը պարտադիր են

post
Հոդվածներ

Արդարություն. առևտրի կազմակերպման սկզբունքը

Չկա ավելի կարևոր բան, քան վստահությունը բիզնես կառուցելու և սոցիալական կապիտալ ստեղծելու գործում։ Բահայի ուսմունքներն ասում են, որ արդարության վրա հիմնված այս վստահությունը ցանկացած ձեռնարկության ամենակարևոր ակտիվներից մեկն է:

 

Բահաուլլան՝ մարգարեն և Բահայի հավատի հիմնադիրը, գրել է.

 

Իմ աչքերում ամենասիրվածը Արդարությունն է. երես մի՛ դարձրու նրանից, եթե Ինձ ես ցանկանում, և մի՛ անտեսիր դա, որպեսզի ես կարողանամ վստահել քեզ: Դրանով դու կտեսնես քո աչքերով, այլ ոչ թե ուրիշների, և կդատես քո սեփական խելքով և ոչ թե մերձավորիդ: Խորհիր այս մասին քո սրտում, թե ինչպիսին պետք է լինես: Հիրավի, արդարությունը Իմ նվերն է քեզ և Իմ սիրառատ բարության նշանը: Պահիր այն քո աչքի առաջ:

 

Արդարությունը էական նշանակություն ունի վստահության ձևավորման համար: Տնտեսապես լավ առաջադիմող երկրներն ու տարածաշրջանները բնութագրվում են օրենքի գերակայությամբ, որին մարդիկ ընդհանուր առմամբ կարող են վստահել: Օրինակ, երբ դուք գնում եք որևէ գույք կամ բաժնետոմս որևէ ընկերությունում, կարող եք վստահ լինել, որ դուք իսկապես ունեք այն և կարող եք վաճառել այն ապագայում: Շատ երկրներում սեփականության այս պարզ սկզբունքին չի կարելի վստահել: Արդարության այս կողմը բացարձակապես անհրաժեշտ է առևտրի և հարստության զարգացման համար, այլ ոչ թե աղքատության:


Բահայի միջազգային համայնքը, Մարդկության բարգավաճումը վերնագրված իր ուղերձում արդարությունն անվանում է մարդկային հոգու այն ունակությունը, որը յուրաքանչյուր մարդու հնարավորություն է տալիս տարբերել ճշմարտությունը կեղծիքից.

 

Այն կոչ է անում անկողմնակալ  դատողության, արդարության ուրիշների նկատմամբ, և, հետևաբար, մշտական, թեև պահանջկոտ ուղեկից է կյանքի առօրյա իրավիճակներում... Խմբային մակարդակում արդարության նկատմամբ մտահոգությունն անփոխարինելի կողմնացույց է հավաքական որոշումների կայացման ժամանակ, քանի որ դա միակ միջոցն է, որի շնորհիվ կարելի է հասնել մտքի և գործողությունների միասնությանը։

 

Կառավարությունները պետք է սահմանեն և կիրառեն կանոններ՝ որպես վստահության և արդարության հիմք: Ինչպես սպորտը կարգավորող կանոնները և կանոնները կիրառող դատավորները, արդարադատության արդար իրականացումը ապահովում է առողջ մրցակցություն, այլ ոչ թե կոռուպցիա առևտրում:

 

Բիզնես աշխարհին անծանոթ մարդկանցից ոմանք կարծում են, որ բիզնեսի առաջնորդները կգերադասեն բաց, անժամկետ մոտեցում ցանկացած կարգավորման կամ կանոնի նկատմամբ: Այս տեսակետին են միայն ամենածայրահեղ գաղափարախոսները։ Բիզնեսի ղեկավարների մեծ մասը, ինչպես խաղադաշտի մարզիկներից շատերը, պարզապես ցանկանում են, որ հստակ կանոնները պահպանվեն արդարացիորեն: Եթե մեկը կարծում է, որ արդարության կամ կանոնների բացակայությունը լավ է առևտրի համար, պետք է ուսումնասիրել այն հասարակությունները, որտեղ օրենքի գերակայություն գոյություն չունի: Այս հասարակություններում նորմա է դառնում աղքատությունը, ոչ թե բարեկեցությունը: Օրենքի գերակայության առկայության դեպքում լուծումը կարող է գալ, ինչպես Աբդուլ-Բահան նշել է իր «Որոշ հարցերի պատասխաններե գրքում.

 

... Երկու անձանց միջև կոնկրետ իրավունքների հետ կապված տարաձայնությունների դեպքում, վեճը լուծելու համար անհրաժեշտ է երրորդ կողմ, այն է՝ կառավարությունը... Ինչպե՞ս կարելի է տեսնել իր ընկերներին սոված, ունեզրկված և ընչազուրկ, և միևնույն ժամանակ՝ ապրել խաղաղության և հարմարավետության մեջ ձեր հոյակապ առանձնատանը:

 

Մարդկության պատմության մեծ մասի տնտեսական համակարգն այնպիսին է եղել, որ նրանք օրինականացրել են հզորների ու հարուստների ունեցվածքի կուտակումը, հարստություն, որն ամբողջությամբ նրանք ոչ մի կերպ չէին կարող օգտագործել, այն դեպքում, երբ աղքատները, որոնց նրանք վարձում էին, սովամահ էին լինում և զրկված էին ծերության ժամանակ առողջապահության կամ անվտանգության ցանկացած ձևից:

 

Հարուստ մարդկանց մտքերում գործերի այս վիճակը ընկալվում էր որպես արդար, քանի որ նրանք կարծում էին, որ իրենք իրենց հարստությունը վաստակել են իրենց ավելի մեծ ինտելեկտի շնորհիվ, եթե ոչ որպես Աստծոկողմից շնորհ: Թեև մենք դեռ ամբողջությամբ չենք խուսափել այս խեղաթյուրված տրամաբանությունից, մենք առաջընթաց ենք գրանցել առաջադեմ հարկային օրենքների, Սոցիալական ապահովության և կառավարության կողմից հովանավորվող առողջապահության ներդրման միջոցով: Հասկանալի է, որ ժամանակի ընթացքում մենք գնում ենք դեպի ավելի արդար հասարակություն։

 

ո՞րնէ արդար փոխհատուցումը։ Ո՞րն է արդար հարկումը: Ո՞րն է սեփականությունը պետական ծառայությունների մատուցման մեջ: Մենք չգիտենք այս հարցերի ստույգ պատասխանները։ Այն, ինչ մենք գիտենք, այն է, որ արդարությունը հոգևոր զգայունություն է, հոգու որակ, որը մենք բոլորս ճանաչում, դրսևորում և աստիճանաբար զարգացնում ենք: Բիզնեսի յուրաքանչյուր սեփականատեր պարտավոր է ձգտել ոչ միայն անձնական շահի, այլ նաև ստեղծել արդար համակարգ, որը նպաստում է բոլորի բարգավաճմանը, ինչպես պարզ է դառնում մարդկության բարգավաճման հայտարարության մեջ.

 

Արդարությունը միակ ուժն է, որը կարող է մարդկության միասնության նորածին գիտակցությունը վերածել հավաքական կամքի, որով կարող են կառուցվել համաշխարհային հանրության կյանքի համար անհրաժեշտ կառույցները։ Մի դարաշրջանում, երբ աշխարհի մարդիկ գնալով ավելի ու ավելի են հասանելի դառնում ամեն տեսակի և տարբեր գաղափարների տեղեկատվությանը, արդարությունը կհաստատվի որպես հաջողակ սոցիալական կազմակերպման առաջնորդող սկզբունք:

author
Նյութի հեղինակ
Բահայի Հայաստան թիմ